ჭამე ჯანსაღად – #სახლში



#დარჩისახლში-ს ერთ-ერთი დადებითი თვისება ის არის, რომ როგორც იქნა მოვაბი თავი და ბლოგისთვის მოვიცალე. გავიხსენე რამდენი ხანია არაფერი დამიწერია და ცოტა შემრცხვა კიდეც. პრინციპში რისი ან ვისი, მაგრამ რაღაცნაირად პასუხისმგებლობას ვგრძნობ ხოლმე ჩემს თავთან, როდესაც რაღაც ვიცი, მინდა სხვამაც იცოდეს და დროულად არ ვაზიარებ. ამიტომაც მივხედოთ საქმეს!

დროებით უსამსახურობის/დისტანციურად მუშაობის დროს, თვითიზოლაციის და სოციალური დისტანცირების პერიოდში დარწმუნებული ვარ ყველას ორჯერ და სამჯერ მეტად გინდებათ ჭამა, თან არა შიმშილის გამო, არამედ უბრალოდ, ჭამა – როგორც დამატებითი გასართობი, თავშესაქცევი და სიამოვნების მიღების წყარო. ხოოდა ზუსტად ამ პერიოდში შეიძლება უცბად ისე „გაგვექცეს“, რომ მერე ვეღარასდროს მოვაბრუნოთ ☺) ( აქ არ ვსაუბრობ მხოლოდ ზედმეტ წონაზე, არამედ ზოგადად, რეჟიმიდან ამოვარდნაზე, სწორი ჩვევების დავიწყებაზე და არაჯანსაღი საკვებით გამოწვეულ უამრავ ფიზიკურ თუ მენტალურ პრობლემაზე).

ამიტომ, ამ ბლოგის ფარგლებში, შევეცდები, ზედმეტი, მძიმე ნუტრიციული მონაცემების გარეშე, მაქსიმალურად მარტივად შემოგთავაზოთ არაჯანსაღი პროდუქტების ჯანსაღი ალტერნატივები და რამდენიმე საბაზისო წესიც გაგახსენოთ.

სისტემატიურ შინაგან ანთებას ხელს უწყობს 4 რამ (ანთებას, რომელიც ხელს უშლის ორგანიზმსა და მეტაბოლიზმს, იმუშაოვოს გამართულად და ხელს უშლის ცხიმის წვას/ საკვების სწორად გადამუშავებას):

შაქარი (ნებისმიერი სახით)

ხორბალი (ნებისმიერი სახით)

გადამუშავებული ხორცი (ძეხვი, სოსისი, ლორი და ყველა მსგავსი პროდუქტი, სულ ერთია ხარისხი და ხორცის შემცველობა)

ტრანს და რაფინირებული მცენარეული ცხიმები ( ფრი, ჩიფსი, დონატი, მზესუმზირის, სიმინდის, არახისის ზეთი და სხვ.)

პირველი ორი პროდუქტის შემთხვევაში, რა თქმა უნდა მათი დამაზიანებლობა განსხვავდება იმის მიხედვით, თუ რა სახით ვიღებთ მას. მაგალითად:

რაფინირებული შაქარი და მისი ნაწარმი – მაფინი, ფუნთუშა, დონატი, კრუასანი, კექსი, რძიანი შოკოლადი, ორცხობილა, ნამცხვარი, ტორტი, კანფეტი და სხვ. ბევრად უფრო დამანგრეველია ორგანიზმისთვის, ვიდრე ორგანული ვაშლი, თუმცა, სამწუხაროდ ფრუქტოზის მაღალი შემცველობის მქონე ვაშლიც შაქრის წყაროა.

ხორბალი – ხაჭაპური, პიცა, ბურგერი, ღვეზელი, 1 ხარისხის ფქვილისგან დამზადებული პური და ცომეული მოგიტანთ უფრო მეტ ზიანს, ვიდრე ფეტვი, ჭვავი, შვრია, ქერი (თუმცა ამ კონკრეტული მარცვლეულის უფრო ჯანსაღი ალტერნატივებიც არსებობს და ამაზე ოდნავ ქვემოთ).

რაც შეეხება ხორცს: სამყარო უკვე შეთანხმდა იმაზე, რომ გადამუშავებული ხორცი, ნებისმიერ შემთხვევაში ზრდის კიბოს განვითარების რისკებს.

ჯანსაღი ალტერნატივები (შაქარი):

Why You Should Bid Goodbye to Sugar - The White Poison in Our Homes:

შაქარი ერთ-ერთი ყველაზე საზიანო და აბსოლუტურად არაფრის მომცემი ნივთიერებაა ჩვენი ორგანიზმისთვის, რომელიც დამალულად თუ ნათლად, ფაქტობრივად ყველაფერში გხვდება. შესაბამისად, უნდა ვიცოდეთ კონკრეტულად რა პროდუქტები შეიცავს მათ და რომელი დამატკბობლებით ჩავანაცვლოთ ისინი 👇👇👇

საზიანო ჯანსაღი

ხილის წვენები (თუნდაც ახლად დაწურული)

ნაკლები შაქრის შემცველი ხილი და ბოსტნეული (ჩამოვთვლით ალტერნატივებს)

ხელოვნური დამატკბობლები (splenda, aspartame და სხვ.)

სტევია და ინულინი

მზა, ქარხნული სოუსები (შეიცავს შაქარსაც და სხვა, ქიმიურ გემოს გამაძლიერებლებსაც)

სახლში დამზადებული სოუსები (შაქრის და დანამატების გარეშე)

თაფლი, აგავის, ნეკერჩლის და სხვა სიროფები (მართალია მათ ძალიან ბევრი სასარგებლო თვისებებიც გააჩნიათ, მაგრამ შეიცავენ დიდი რაოდენობით შაქარს.)

Monk fruit (რომელიღაც ხილისგან მზადდება, არ მიძებნია თბილისში) ვარდკაჭაჭას ფესვი (იყიდება ფხვნილის სახით ჩვენთანაც)

გადამუშავებული მარტივი ნახშირწყლები (დონატი, მაფინი, ნამხვარი, კანფეტი და სხვ.)

 

 

შაქრის შემცირება/ამოღებას ორგანიზმიდან ყოველთვის მოსდევს მისკენ საშინელი სწრაფვა, ე.წ. „sugar craving. რადგან, ტვინის ის ნაწილი, რომელიც შაქრის მოთხოვნილებაზეა პასუხისმგებელი, საკმაოდ აქტიურად ახსენებს ორგანიზმს, რომ მას გლუკოზა სჭირდება.

Nutmeg, cloves, cinnamon sticks, star anise and other spic… | Flickr

აქვე ჩამოვთვლი შაქრის ქრეივინგის შემამსუბუქებელ ალტერნატივებს:  

Craving -ის საწინააღმდეგოდ: მინიშნება

დარიჩინი

შეიძინეთ ორგანული, ჯოხებს თუ შეიძენთ მარტივადაც იფშვნება

ფენგრეკი (შამბალა)

უნდა იყიდებოდეს მარცვლების სახით. გამოიყენება სალათებში, სოუსებში, ფაქტობრივად ყველანაირ კერძსა და სუპებში)

L გლუტამინი

ამინომჟავა – შესაძლებელია მისი საკვებ დანამატაც მიღება (გაიარეთ კონსულტაცია ნუტრიცოლოგთან, ან ენდოკრინოლოგთან) https://www.healthline.com/nutrition/glutamine#section7 >> ინფორმაციული სტატია ამ ამინომჟავის შესახებ.

მიხაკი

 

ჟენშენი

 

 

ჯანსაღი ალტერნატივები (მარცვლეული):

How Many Carbs Are Right for Me: Managing Diabetes

პირველ რიგში უნდა მოერიდოთ დასაწყისში ჩამოთვლილ, ცომეულს –  ყველანაირ  მარტივ ნახშირწყალს (მაფინი, ფუნთუშა, დონატი, კრუასანი, კექსი, რძიანი შოკოლადი, ორცხობილა, ნამცხვარი, ტორტი, კანფეტი, ა.შ.) როგორც დასაწყისში შეგპირდით არ ჩავეძიები მათ ნუტრიციულ დეტალებს და უბრალოდ – არ მიირთვათ-თი შემოვიფარგლები ამ ბლოგში.

უფრო მონდომებული და მოტივირებული ადამიანებისთვის კი გართულებული სქემა: ☺👇

ნაკლებად ჯანსაღი ჯანსაღი

ხორბალი (ნებისმიერი სახით)

ველური ბრინჯი

ბრინჯი

ყვავილოვანი კომბოსტოს ბრინჯი ( ქვემოთ იხილეთ ლინკი, მარტივად მზადდება)

ფეტვი

ქინოა

ჭვავი

წიწიბურა

ქერი

 

სიმინდი

 

შვრია  (ამაზე დავა შეიძლება)

 

ყვავილოვანი კომბოსტოს ბრინჯის მომზადების თუთორიალი 👇

 

ჯანსაღი ალტერნატივები (ხორცი/თევზი და რძის პროდუქტები):

MOLDOVA GREEN-LIGHTS DAIRY, MEAT, FISH, EGGS EXPORTS BY 35 ...

⚠ გადამუშავებული ხორცი ჩაანაცვლეთ – ბალახნაჭამი ცხოველის გადაუმუშავებული ხორცით:

გადამუშავებული ხორცი ჩაანაცვლეთ – ბალახნაჭამი ცხოველის გადაუმუშავებული ხორცით:

 

  • ზოგადად, წითელი ხორცი ნაკლებ სასარეგბლოა, ვიდრე თეთრი ( მაგ: ღორი და ძროა vs ქათამი და ინდაური) თუმცა, ამ თემის გარშემო მუდმივად აზრთა სხვადასხვაობაა.

 

  • ხორცი, რომელიც არ არის ბალახ ნაჭამი ცხოველისგან მიღებული, არ არის ჯანსაღი. ანუ, იმ ცხოველებისგან, რომლებიც ცხოვრობენ ფერმებში, არ მოძრაობენ, ვერ ხედავენ მზეს, ვერ სუნთქავენ სუფთა ჰაერს, ვერ ძოვენ ბალახს და არ ცხოვრობენ მათთვის ბუნებრივ პირობებში თქვენ ვერ მიიღებთ ჯანსაღ ხორცს!

 

  • პასტერიზებული რძის პროდუქტი და ქარხნის კვერცი – ჩაანაცვლეთ სოფელში, ბალახნაჭამი ცხოველისგან მიღებული რძითა და კვერცხით:

 

  • თუ ცხოველმა არ ჭამა ბალახი, არ იცხოვრა მისთვის ბუნებრივ ჯანსაღ გარემოში ( ღია ცის ქვეშ, საძოვრებზე, სუფთა ჰაერსა და მზეზე) – ვერ მოგვცემს ჯანსაღ რძეს.

 

  • ვერც ქათმისგან დადებული კვერცხი იქნება ეკოლოგიურად სუფთა და სასარებლო, თუ ის მთელი ცხოვრება გაუნძრევლად დგას და პესტიციდებით იკვებება. ქათამი უნდა დადიოდეს მიწაზე, იკვებებოდეს მწერებითა და მისთვის საჭირო სხვა ბუნებრივი საკვებით, მხოლოდ ასეთი ქათმისგან დადებული კვერცხია სასარგებლო. მოძებნეთ რომელიმე სანდო გლეხი სოფლიდან და მისგან შეიძინეთ კვერცხი და რძის პროდუქტი.

 

  • გასათვალისწინებელია ის წამლები, ანტიბიოტიკები და სხვა დანამატებიც, რომლებსაც ცხოველბს ასმევენ ფერმებში, იმისათვის, რომ გაუსაძლის პირობებში აცოცხლონ და „უმკურნალონ“ მუდმივ ანთებებს. ყველა ეს ნივთიერება საბოლოოდ ჩვენს ორგანიზმში ხვდება

 

  • ფერმაში მოყვანილი თევზი ჩაანაცვლეთ – ბუნებრივ პირობებში დაჭერილი, ე.წ. wild cought თევზით:

 

  • ფერმებში და პატარა სივრცეებში ხელოვნურად მოყვანილი თევზი დაბინძურებულია PCB-ით (Polychlorinated byphenyls, კიბოს გამომწვევი კარცეროგენები). თევზი უნდა ცხოვრობდეს ბუნებრივ პირობებში და იყოს დაჭერის წესის დაცვით მოპოვებული, იმისათვის რომ ჰქონდეს ის სარგებელი, რომლის გამოც მას მივირთმევთ. დააკვირდით ეტიკეტს „wild cought” – შეიძინეთ მხოლოდ ბუნებაში დაჭერილი თევზი. ჰკითხეთ გამყიდველს, სადაურია თევზი და რა პირობებში დაჭერილი, თუ პასუხი ბუნდოვანია, სჯობს საერთოდ არ შეიძინოთ ის.
საზიანო ჯანსაღი

გადამუშავებული ხორცი (სოსისი, ძეხვი, ლორი და სხვ.)

ბალახნაჭამი ცხოველის გადაუმუშავებელი ხორცი

პასტერიზებული რძის პროდუქტი

ე.წ. უმი რძის პროდუქტი (გასათვალისწინებელია ბაქტერიები, ლაქტოზის აუტანლობის შემთვევაში ვალიოს აქვს ულაქტოზო პროდუქტი)

ფერმის კვერცხი

სოფლის კვერცხი (სანდო გლეხისგან)

ფერმის თევზი

ბუნებრივ პირობებში დაჭერილი თევზი

შეჯამება:

სჯობს ჭამოთ ცოტა და ხარისხიანი, ვიდრე გარუკვეველი წარმოშობის ხორცი/თევზი და რძის პროდუქტი.

ჯანსაღი ალტერნატივები (ცხიმი):

The Dangerous Side of Vegetable Oils - Josh Gitalis

დღემდე, ადამიანების უმეტესობა იძენს  რაფინირებულ, დაბალი ხარისხის მცენარეულ ცხიმს და მოიხმარს მას ფაქტობრივად ყველაფრის მოსამზადებლად. ეს ცხიმები კი ერთ-ერთი ყველაზე მავნე პროდუქტია, რაც საკუთარ ორგანიზმს შეიძლება საკუთარი ნებით მიაწოდოს ადამიანმა. მათ მიერ გამოწვეულ ზიანს, ხშირად ადარებენ სიგარეტის მოწევას, რომელიც ნაკლებად მავნებელია, ვიდრე ამ ცხიმების მოხმარება. რამხელა ზიანს ვაყენებთ ორგანიზმს აღნიშნული ცხიმებით, გააზრებულიც კი არ გვაქვს.

ჯანსაღი ცხიმები სასურველია იყოს ორგანული, ექსტრა ვირჯინ და სანდო ბრენდების.

სქემა ასე გამოიყურება: 👇

საზიანო ჯანსაღი

სოიოს ზეთი

ავოკადოს ზეთი (გამოიყენება შესაწვავადაც)

ბამბის თესლის ზეთი

ქოქოსის ზეთი (გამოიყენება შესაწვავადაც)

მზესუმზირის ზეთი

ზეითუნის ზეთი (მასში შესაძლებელია ძალიან დაბალ ცეცხლზე ოდნავ მოთუშვა)

სიმინდის ზეთი

MCT ზეთი (გაიგეთ მეტი: https://www.webmd.com/diet/mct-oil-health-benefits-common-uses#1) 

Canola Oil (ვერ ვთარმგნე)

ბალახნაჭამი ცხოველის კარაქი

ყურძნის წიბწის ზეთი

 

არაქისის ზეთი

 

ჯანსაღი ალტერნატივები (ბოსტნეული):

მარტივი რჩევა ბოსტნეულის არჩევისას – რაც უფრო ნაკლები ფრუქტოზა (შაქარი) შედის ბოსტნეულში, მით უკეთესი ჩვენთვის. 

 ყველაზე ცუდი არჩევანი საუკეთესო არჩევანი

სიმინდი (ცოცხალი, კონსერვის, სიროფი, ზეთი)

მწვანე ფოთლოვანები

სოიო (ნებისმიერი სახით)

ნებისმიერი სახის კომბოსტო  (ბრუსელი, კალე, ჩინური, წითელი, ყვავილოვანი,  მწნილის სახით, ა.შ.)

ბოსტნეული შაქრის მაღალი შემცველობით

ბროკოლი (ყლორტებიც!)

კარტოფილი

სატაცური

 

ჭარხლის ფოთლები

ცოტა მეტი სიმინდსა და სოიოზე:

დღეს სიმინდი გვხვდება ყველაფერში: ცოცხალი სიმინდი / სიმინდის კონსერვი / სიმინდის ზეთი, სიმინდის სიროფი (corn syrop რომელიც უამრავ დაკონსერვებულ პროდუქტსა და მზა სოუსებშია)

85% სიმინდის, რომელიც იზრდება ამერიკაში (და ძირითადად იქიდან შემოდის) გენმოდიფიცირებულია – ანუ სავსეა პესტიციდებითა და ჰერბაციდებით და არღვევს თქვენს ნაწლავებს, იწვევს აუტოიმუნურ რეაქციებს (აუტოიმუნურ დაავადებებსა და კიბოს)

უამრავი რესტორანი და საკვები ობიექტი კერძებს სიმინდის ზეთზე ამზადებს.  ზოგადად, ეცადეთ  ინდუსტრიული ზეთები არც ერთ შემთხვევაში არ გამოიყენოთ. მოითხოვეთ რესტორნებისგან, რომ თქვენი კერძი ალტერნატიული ზეთით გაკეთდეს (იდეალურ შემთხვევაში).

სიმინდის მსგავსად, სოიოს უმრავლესობა გენომდიფიცირებული პროდუქტია, სოიოს სოუსების უმრავლესობაში კი უამრავი სუფრის მარილია დამატებული, სხვა გემოს გამაძლიერებლებთან ერთად.

ჯანსაღი ალტერნატივები (ხილი):

ხილის შემთვევაში, საუბარი არ არის იმაზე, რომ მაგალითად ვაშლი დაგიზიანებთ ორგანიზმს და გამოიწვევს კიბოს, არამედ საუბარია, ზოგადად შაქრის მაღალ შემცველობაზე ამ პროდუქტში.

ნებისმიერი სახის შაქარი, საბოლოოდ ორგანიზმში იწვევს ანთებით პროცესებს, რა თქმა უნდა, კიდევ ერთხელ და ბევრჯერ გავიმეორებ, რომ მაფინთან შედარებით ვაშლი ათასჯერ ჯანსაღია 🙌 ანუ, თუ თქვენ მიირთმევთ გადამუშავებულ მარტივ ნახშირწყლებს, რა თქმა უნდა პირველ ეტაპზე –  ჩაანაცვლოთ ისინი ჯანსაღი ხილით – საუკეთესო გამოსავალია. ქვემოთ მოცემული სია, თქვენი ჯანსაღი კვების უფრო „მაღალ ლეველზე“ გადასვლის პროცესია ☺ 👇

 შაქრის მაღალი შემცველობით  საუკეთესო არჩევანი

ვაშლი

გრეიფრუტი

მსხალი

ლიმონი/ლაიმი

ანანასი

ავოკადო

მანგო

ბროწეული

ყურძენი

ნებისმიერი კენკრა

ლეღვი

ქოქოსი

ბანანი

 

ჩირი (დაშაქრული)

 

არ დაგავიწყდეთ, რომ ხილი და ბოსტნეული, ასევე მარცვლეულის, პარკოსნებისა და თხილეულის ნაწილიც,  შეიცავს უმნიშვნელოვანეს ნივთიერებას – ბოჭკოს (fiber), რომელიც სასიცოცხლოდ მნიშვნელოვანია ჩვენი ორგანიზმისათვის. ამიტომ ეცადეთ ყოველთვის გქონდეთ მათი ჯანსაღი ალტერნატივები თქვენს რაციონში.

რამდენიმე მინიშნება:👌

20 წუთი ფეხით სიარული ნებისმიერი ნახშირწყლის მიღების შემდეგ, დაგეხარებათ დაარეგულიროთ სისხლში შაქრის დონე.

ნახშირწყლები მიიღეთ დღის 4-6 საათამდე პერიოდში ( რაც არ უნდა გასაკვირი იყოს), რადგან ამ პერიოდში ღვიძლი „იმარაგებს“ შაქარს ენერგიად და არ უშვებს მას ცხიმში.

თუ გსურთ, რომ ნახშირწყლებისგან მიღებული შაქარი წავიდეს კუნთში და არა ენერგიაში, მათ მირთმევამდე 40-50 ჩაჯდომა გააკეთეთ.

ჯანსაღი ალტერნატივები (თხილეული):

Orzechy pekan - właściwości, wartości odżywcze i wykorzystanie ...

ნაკლებად ჯანსაღი ჯანსაღი

არაქისის თხილი

ნიგოზი

ქეშიუ

ბრაზილიური  და ჩვეულებრივი თხილი

მზესუმზირის თესლი

პეკანები

 

მაკადემიის თხილი

 

ფსტა (არ მაქვს ინფორმაცია)

 

ნუში ( ფრთხილად იყავით ნუშთან) 👇

მიუხედავად იმისა, რომ ნუშს ძალიან ბევრი დადებითი თვისება აქვს, მასში შედის phytic acid -ასეთი მჟავა, რომელიც ჯანსაღ მინერალებს (რკინა, კალციუმი, მანგანუმი და თუთია) მაგნიტივით იზიდავს თქვენი ორგანიზმიდან. აღნიშნული მჟავა შედის ბევრ მარცვლეულსა და პარკოსნებშიც, მაგრამ, რადგან ნუშს მივირთმევთ უმად, ეს მჟავაც ყველაზე აქტიურად ხვდება მისი სახით ორგანიზმში.  ამიტომ, თუ თქვენი კვების სტილი არ არის საკმარისად მრავალფეროვანი, ნუ დატვირთავთ მას მხოლოდ ნუშით, რომ არ დარჩეთ მნიშვნელოვანი მინერალების მიღმა.

არ იყიდოთ მოხალული, მარილიანი თხილეული.

შეიძინეთ ლოკალური ბაზრიდან და მაქსიმალურად ორგანული.

არ დაგავიწყდეთ, რომ რაციონში ასევე გქონდეთ გოგრის თესლი, სელის თესლი, ჩიას მარცვლები და სხვა მსგავსი სუპეფუდები.

ჯანსაღი ალტერნატივები (პრებიოტიკები)

12 Mouthwatering Vegan Asparagus Recipes for Spring - Clean Green ...

პრე და პრობიოტიკები მნიშვნელოვანი ნივთიერებებია ჩვენი ნაწლავების სწორად ფუნქციონირებაში, თუმცა პრობიოტიკებზე მეტად, პრებიოტიკების მიღებაზე შეგვიძლია ვიყოთ ორიენტირებული.

პრებიოტიკი ბოჭკო – არის საკვები ბოჭკოების სპეციალური ფორმა, რომელიც მოქმედებს სასუქად თქვენს ნაწლავში არსებული კარგი ბაქტერიებისთვის, ის ეხმარება სწორ ბაქტერიებს არსებობასა და გამრავლებაში .

პრობიოტიკები კი, უკვე მზა ცოცხალი ბაქტერიაა, რომელიც გვხვდება მაგალითად მაწონში და რომელიც მზა ბაქტერიის სახით ხვდება ჩვენს ორგანიზმში. მხოლოდ პრობიოტიკებით დატვირთვამ შეიძლება გამოიწვიოს ერთი კონკრეტული ბაქტერიის გამრავლება და სხვა კარგი ბაქტერიების დათრგუნვა, რომლის საშიშროებაც პრებიოტიკების შემთხვევაში არ გვაქვს.

პრობიოტიკები პრებიოტიკები

მჟავე კომბოსტო (პრობიოტიკების საუკეთესო წყარო)

პრასი

მჟავე კიტრი და სხვა მწნილები

ხახვი

მაწონი, ბუნებრივი იოგურტი და კეფირი

ვარდკაჭაჭას ფესვი (ჩვენთან მინახავს ფხვნილის სახით)

კიმჩი, ტემპე და მისო

არტიშოკი (სამწუხაროდ აქ მხოლოდ დაკონსერვებული მინახავს)

 

ბაბუაწვერა (მე ვყიდულობ ჩაის საით)

 

სატაცური (გაყინული იყიდება სუპერმარკეტებში, ცოცხალი შემოვა ზაფულისკენ ბაზარში)

 

სტაფილო

ჯანსაღი ალტერნატივები (სუნელები):

A Brief (and Biased) History of Flavor - Eater

სუნელებს უამრავი დადებითი თვისება გააჩნიათ და ძალიან ბევრი სარგებელი შეუძლიათ მოუტანონ ჩვენს ორგანიზმს (როგორც ზემოთ დაგპირდით, მძიმე ნუტრიციული მონაცემების გარეშე ვწერ დღეს ამ ბლოგს, ამიტომ ასეთი მოკლე წინადადებებით ვიფარგლები ☺).

შესაბამისად, არ უნდა დაგვავწიყდეს, მათი ყოველდღიურ რეჟიმში საკვებში დამატება. შეინახეთ ისინი გამოსაჩენ ადგილას, რომ ყოველი საკვების მიღებისას გაგახსენდეთ მათი არსებობა 👇

სუნელები მინიშნება

შავი პილპილი

 

კაიენის პილპილი

საუკეთესო ანტიოქსიდანტი

კურკუმა

საუკეთესო შედეგის მისაღებად აურიეთ ჯანსაღ ცხიმსა და შავ პილპილში, უხდება კვერცხს, ქათამს, ბრინჯს.

როზმარინი

უხდება ხორცსა და თევზს

თაიმი

 

ორეგანო

 

ბაზილიკი

დაუმატეთ მდოგვისა და ძმრის სოუსს

კურკუმასა და პილპილის შეძენა შეგიძლიათ „მთლიანი“ სახით და უკეთესია თუ მოყრის წინ დაფქვავთ.

სუნელებთან ერთად, გაითვალისწინეთ, რომ სუფრის მარილი არ არის სასარგებლო. ჩაანაცვლეთ ის ზღვის მარილით. მე ჰიმალაის ვარდისფერ მარილს ვხმარობ ამჟამად. იყიდება უკვე ყველგან.

მას შემდეგ, რაც ქართულ სუნელებში არაერთხელ დადასტურდა ტყვიის მაღალი შემცველობა, მე მხოლოდ უცხოურს ვყიდულობ.

ჯანსაღი ალტერნატივები (მენსტრუაცია):

New period emoji could help 'end taboo' around menstruation ...

მენსტრუაციის დადგომამდე 5-7 დღით ადრე, თქვენი ჰორმონების ჯანსაღი ფუნქციონირებისათვის აუცილებელია ნახშირწყლების მაღალი ოდენობით მიღება, რადგან ორგანიზმს სჭირდება ინსულინი (ამიტომაც გვეჭედება PMS -ის დროს ტკბილეულსა და მსგავს მარტივ ნახშირწყლებზე). იმისათვის, რომ ამ პერიოდში არც ძალიან „გაგვექცეს“ და თან ორგანიზმი ჯანსაღი ნახშირწყლებითაც უზრუნველვყოთ, მიირთვით ამ პერიოდში შემდეგი პროდუქტები:

  • ლობიო და პარკოსნები (მუხუდო, ოსპი, გოროხი, სხვადასხვა სახის ბარდა)
  • ტროპიკული ხილი
  • კარტოფილი
  • გოგრა
  • ველური ბრინჯი

ჯანსაღი ალტერნატივები (ნაღველი):

Gallbladder Stone

ხშირად გვავიწყდება, რომ ორგანიზმის საჭმლის მომნელებელი სისტემა და მთელი ეს მოძრაობა დიდწილად ღვიძლზეა დამოკიდებული და იქვეა ნაღველიც, რომელიც ორგანიზმში არსებულ ყველანაირ ტოქსინსა და სიბინძურეს გამოდევნის.  იმისათვის, რომ ნაღვლის ბუშტისა და ღვიძლის ტანდემი იყოს იდეალური და ნაღველიც ეფექტურად აწარმოონ, უნდა მივაწოდოთ  მათ მომწარო თვისებების პროდუქტები (რა თქმა უნდა გასათვალისწინებელია ინდივიდუალურად – კუჭის პრობლემები).

  • ლიმონი/ლაიმი
  • ბაზილიკი/ორეგანო/თაიმი/როზმარინი
  • ჯინჯერი/ჯინჯერის ჩაი
  • ბაბუაწვერა/ბაბუაწვერას ჩაი
  • შტოში (თბილისში უმად ვერ ვნახე, კენკრაა, იყიდება სუპერფუდის სახით, ჩირი არ იყიდოთ, დაშაქრულია)
  • არტიშოკი
  • ბოლოკი
  • ქინძი
  • ოხრახუში
  • არაგულა (მწვანე ფოთლოვანია, სეზონურად არის ხოლმე მარკეტებში)
  • წითელი კომბოსტო
  • შავი შოკოლადი

პრინციპში თითქმის ყველა მათგანი ზემოთ უკვე ვახსენეთ, მაგრამ ასე უფრო კარგად ჯგუფდებიან, კონკრეტულად ნაღველის ფუნქციონირების დასახმარებლად.

ჯანსაღი ალტერნატივები (საკვები დანამატები)

ოხ, როგორ მიჭირს ამ თემაზე ნერვების მოშლი გარეშე საუბარი… მოკლედ, მეგობრებო, გავიარე ონლაინ კონსულტაცია ნუტრიციონისტთანაც და ვესაუბრე რამდენიმე ექიმს.. ნუტრიციონისტები სხვას ლაპარაკობენ, ექიმები სხვას..

რეალობა, ალბათ მაინც ასეთია: საკვებ დანამატებს არ აკონტროლებს კვების  არც ერთი საერთაშორისო მაკონტროლებელი ორგანიზაცია. შესაბამისად, არ ვართ დაცული თუ რეალურად „რა ყრია“ იმ კაფსულაში, რომელსაც ჩვენ საკვებ დანამატად ვიღებთ. ასევე, ღრმა ანალიზების გარეშე, რთულია დავადგინოთ კონკრეტულად რომელი მინერალი, თუ  ნივთიერება გვაკლია, რომ შევავსოთ დანამატით.

ასევე, რა თქმა უნდა კვლევები მუდმივად ტარდება სხვადასხვა მცენარის თუ ნივთიერებების სარგებლიანობაზე, თუმცა კვლევების წყაროების სანდოობის გადამოწმება ჩვეულებრივი მოკვდავთათვის რთულია.

შესაბამისად, ვერ გავცემ რეკომენდაციას, რომელი საკვები დანამატი უნდა მიიღოთ და რომელი არა.

მე მაინც რესვერატროლის, კოლაგენის და რამდენიმე დანამატის იმედი მაქვს და მაინც ვფიქრობ მათ მიღებას ( არ მოგატყუებთ, რეჟიმის დაცვა ძალიან მიჭირს, ხშირად მავიწყდება და მოკლედ მეც თქვენს დღეში ვარ).

თუმცა, მინდა რამდენიმე რეკომენდაცია გავცე კონკრეტული საკვები დანამატების შესახებ, რომელებიც დანამდვილებით ვიცი, რომ არ უნდა მიიღოთ: 👇

თევზის ქონი – ე.წ. ომეგა 3 დანამატი: თევზის ქონით მიღებული ომეგა 3 დანამატების სწორად  წარმოება საკმაოდ რთული პროცესია. თევზის ცხიმს სჭირდება „ცივად შენახვა“, რასაც მწარმოებლების უმრავლესობა ვერ იცავს, ცხიმი მძაღდება და ხდება აბსოლუტურად გამოუსადეგარი. 80% შემთხვევაში სწორედ ასე ხდება. ასეთი საკვები დანამატი კი ძალიან აზიანებს თქვენს ორგანიზმს (იწვევს კანის კიბოს).  გარდა ამისა, ადამიანები ამ დანამატის ხშირად (30 დღეზე მეტი) მიღებისას, იწვევენ ომეგა 3 -ის დომინაციას ორგანიზმში, რაც ასევე არავითარ შემთვევაში არ გაწყობთ.

მულტი ვიტამინები –  მულტივიტამინების უმეტესობა დამზადებულია სინთეთიკურ ნივთიერებებზე ე.წ. synthethic based vitamins. ას დროს ორგანიზმი მათ ნარკოტიკად აღიქვამს და შარდთან ერთად სასწრაფოდ იშორებს თავიდან. უნდა დარწმუნდეთ, რომ იღებდ ე.წ. „Whole food sourced“ ვიტამინებს, რომლის შოვნაც არც ისე მარტივია. Folic acid -თუ ამ მჟავას შეიცავს თქვენი ვიტამინების კომპლექსი – გადააგდეთ.

პრობიოტიკები – 48 მილიარდ დოლარიანი ინდსუტრია. 21 დღეზე დიდხანს მიღებული პრობიოტიკები იწვევენ ორგანიზმში მანოკულტურას (პრე და პრობიოტიკების ნაწილში მაქვს ახსნილი) და სხვა სასარგებლო ბაქტერიებისთვის ადგილს აღარ ტოვებენ. მიირთვით პრობიოტიკები საკვებიდან, არ არის საჭირო მათი დანამატად მიღება და დაამატეთ პრებიოტიკები.

D ვიტამინი (ცალკე) – ამ ვიტამინის განცალკევებით მიღება არ შეიძლება.  ჩვენს უჯრედებს აქვთ რეცეპტორები, რომლებსაც ყველა ცხიმშიგახსნადი ვიტამინები „ეკვრიან“. ესენია: A, E, D და K ვიტამინები. თითოეული მათგანი ამ რეცეპტორებისთვის „ეჯიბრებიან“ ერთმანეთს. თუ ჩვენ მხოლოდ D ვიტამინს მივაწვდით დანამატად ორგანიზმს, ყველა ეს რეცეპტორი შეივსება D ვიტამინით და სხვა ვიტამინების ასათვისებლად უჯრედს ფიზიკურად ადგილი აღარ დარჩება. K ვიტამინის ნაკლებობა კი მაგალითად ძვლების შლას იწვევს, ასე რომ ძალიან ყურადღებით იყავით, როდესაც იწყებთ ვიტამინების მიღებას. D ვიტამინი ცალკე (A, E და K -ს გარეშე) კი არასდროს მიიღოთ. დააკვირდით ბრენდებს და შემადგენლობებს, ასევე სინთეთიკურ vs მთლიან საკვებზე დამზადებული ვიტამინების სხვაობებს, რომ არ გამოიწვიოთ ფუნქციონალური დეფიციტები ორგანიზმში.

აქვე, პატარა  hints და დავასრულოთ: 👇

მარტივი (უშაქრო) და ძალიან გემრიელი სოუსი, რომელიც მზადდება სახლის პირობებში, არის სასარგებლო და უხდება ფაქტობრივად ყველაფერს:  ვაშლის ძმარი, მდოგვი, ლიმონი, ზეითუნის ზეთი და ბაზილიკი.

7 ways to do intermittent fasting: Best methods and quick tipsეცადეთ რომ ყოველ დღე, მინიმუმ 9 საათის განმავლობაში, დაასვენოთ თქვენი ორგანიზმი კვებისგან. ანუ, მაგალითად, თუ შეჭამთ საღამოს 9 საათზე, დილის 9 -მდე აღაფერი მიირთვათ.

 

წარმატებები ყველას, იმედი მაქვს ამ მძიმე პერიოდში შეძლებთ სახლში მომზადებული, ჯანსაღი ინგრედიენტებით შემდგარი, მრავალფეროვანი საკვების მიღებას და როდესაც ეს პერიოდი გადაივლის, უკვე ისე იქნებით მიჩვეული ჯანსაღი ცხოვრების წესს, რომ მომავალშიც ასე გააგრძელებთ. ადამიანს 21 დღე სჭირდება იმისთვის, რომ რაიმეს შეეჩვიოს (ამას პირველ რიგში საკუთარ თავს ვეუბნები).

გახსოვდეთ, მიირთვით საკვები მხოლოდ მაშინ, როცა რეალურად გშიათ! 

ნებისმიერი კითხვით და კომენტარით მომმართეთ 

 XO XO, N 💙💚

 

 

10 0

პოსტის ავტორის შესახებ

Natia Chikovani

Happy
Happy
100 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

One Reply to “ჭამე ჯანსაღად – #სახლში”

Leave a Reply

Your email address will not be published. Required fields are marked *